விளையாட்டு விடுதி மாணவர் சேர்க்கை: மே 6 வரை விண்ணப்பிக்கலாம்
விருதுநகர்:விளையாட்டு விடுதிகளில் மாணவர்கள் சேர்க்கைக்காக விண்ணப்பிக்கும் தேதியை, மே, 6 வரை நீட்டித்து, தமிழ்நாடு விளையாட்டு மேம்பாட்டு ஆணையம் உத்தரவிட்டு உள்ளது.
பள்ளி மாணவர்கள், விளையாட்டுத் துறையில் சாதனை படைப்பதற்கேற்ப நல்ல பயிற்சி, தங்கும் வசதி மற்றும்
சத்தான உணவுடன் கூடிய, 23 விளையாட்டு விடுதிகள், பல்வேறு மாவட்டங்களில் செயல்பட்டு வருகின்றன. இவ்விடுதிகளில், 2016 - -17ம் ஆண்டிற்கான மாணவர் சேர்க்கைக்கான விண்ணப்பங்கள், ஏப்., 20 வரை பெறப்பட்டன. இந்நிலையில் மாணவர்களின் வசதிக்காக, மாணவர் சேர்க்கை விண்ணப்ப தேதி, மே, 6 வரை நீட்டித்து, தமிழ்நாடு விளையாட்டு மேம்பாட்டு ஆணையம் உத்தரவிட்டு உள்ளது.