தமிழகத்தில் வரைவு வாக்காளர் பட்டியல் இன்று வெளியீடு

         தமிழகத்தில் வரைவு வாக்காளர் பட்டியல் இன்று(செப்., 1) வெளியிடப்படுகிறது. வாக்காளர் பட்டியல் திருத்தப் பணி, இன்று துவங்கி, செப்., 30 வரை நடைபெற உள்ளது.

           தமிழகத்தில் வாக்காளர் பட்டியல் திருத்தப் பணி, இன்று(செப்., 1) துவங்குகிறது; வரைவு வாக்காளர் பட்டியல், இன்று வெளியிடப்படுகிறது. 18 வயது நிரம்பியவர்கள், தங்கள் பெயரை வாக்காளர் பட்டியலில் சேர்க்க, நீக்க, திருத்தம் செய்ய, முகவரி மாற்ற, செப்., 30 வரை, விண்ணப்பம் அளிக்கலாம். செப்., 11 மற்றும், 25ல், அனைத்து ஓட்டுச் சாவடிகளிலும், மனுக்கள் பெற, சிறப்பு முகாம் நடத்தப்படும்.

வரைவு வாக்காளர் பட்டியலை, www.elections.tn.gov.in என்ற இணையதளத்தில் பார்க்கலாம். நகராட்சி கமிஷனர், தாசில்தார் அலுவலகங்களிலும், ஓட்டுச்சாவடிகளிலும், பார்வைக்கு வைக்கப்படும். electoral servicessearch.azurewebsites.net என்ற இணையதள முகவரியிலும், பெயர்களை தேடி கண்டுபிடிக்க, வசதி செய்யப்பட்டுள்ளது. தேர்தல் கமிஷன் இணைய தளத்தில், 'ஆன்லைன்' மூலமாகவும் விண்ணப்பிக்கலாம்.